سؤال اوجه اليكم ....
انتي الام او الخادمة؟؟
((( طبعا ما اقصد كل الحلوات,,,لان ماشاءالله وايدات ما يعتمدن على الخادمة
في امور الشخصية )))
ابغيج في نفسج تردين على سؤالي و تسالين نفسج انتي الام او الخادمة؟
ان محتارة في الجواب فكري معايه:
من بعد ما تربين هل انتي تبدلين حفاظ البيبي او هي؟
يوم فيج رقاد تحطين النونو بجنبج او تعطينه في ايد الخادمة؟
النونو يوعان و انتي ترضعينه صناعي ...
انتي اللي تسوين الحليب او هي؟
انتي ترضعينه او احد افراد العائلة او هي؟؟؟؟؟؟؟؟؟؟
عندج طلعة ,, مناسبة ,,,, تسوق ,,,,
تشيلين العيال معاج او تخلينهم عند الخدم؟
و في المراكز تخلين العيال عندج و تستانسين معاهم او حتى يضايقونج
(( لا تنسين انتي بعد مضايقة امج و انتي صغيرة ))))
او تفرينهم على الخدم في الالعاب و الكور و تمين تتغدين و تتمشين
كأنه عيد؟؟؟!!!!
حبيبتي ,,
حرام تخلين عيالج فلذات اكبادج في ايد الخدامات الغريبات عننا
و عن عاداتنا و تقاليدنا
انا كأم و انتي كأم يوم الطفل يلصق فيننا و نحن مشغولين ما نطفر منهم؟
ما ننازعهم؟؟
و مرات نضربهم...
كيف تثقين تخلين عيالج عند الخادمة اللي ما مصدقة تطلعين من البيت
عسب تأخذ راحتها سؤا في الرقاد او الرمسة او حتى طلعة او تدخل
ربيعها مب فرق ,, يا راعي الدكان او عامل البناء او المزارع او الدريول
( بعد ما يوصلج المكان المطلوب ))
كيف تثقين تخلينهم في امان الخدامة؟
ما تفكرين لا سمح الله تسويبهم شئ؟
تهملهم يطيحون بسم الله عليهم مثل ما صار مع ولد ربيعتي؟
هي و ريلها كانوا في السوق و العيال عند خدامتين
طبعا الحبيبات مشغولات بالموبايل و الولد طاح من الدريه و راسه انكسر
و طبعا ما لقت اجرب مني و اتصلت فيني و في وحد من الاهل
و الحمدلله هو وصل قبلي و وداه المستشفى و خيطوا راسه...
المهم انتي كام مب تعبانة في حمله و ولادته؟
ما تبغين تشوفينه و يكبر جدام عينيج؟
ما تبغين تحسين بحلاوة تصرفاته و زعله؟
فكري بنفسج.. ان تكتشفين يوم كنتي صغيرة ماماتج كانت تعقج على الخدم
و تفكر بنفسها فقط.. شو بيكون شعورج؟ ما بتقولين لها امي انتي
اهملتيني؟ انتي ما كنتي تعطيني من وقتج؟ الخادمة كانت تبدلني و تأكلني
و ترضعني (طبعا لو صدرها كان في حليب اكيد من صدرها! )
و تسبحني و تنومني و تكفخني و تلعب فيني ؟؟؟؟؟؟؟؟؟؟؟؟؟
لا تقولون خدامتي ملاك لا ... هي مب ملاك و لا شريرة و لكن وحدة غريبة
و قلبها ما معورنها على طفل هي مب تعبانه عليه ...
انتبهوا لخطورة الموضوع بالنسبة للطفل
من كل النواحي النفسية و غيرها .. هي طفلج ... طفلج انتي ... نص دمها
منج.... و بخبركم بقصص حقيقية بسيطة...
خبرني عمي ان ولده كان عندهم خادمة فلبينية و الام من النوع اللي
من ينشون العيال تذكرها و تفهم عليها و ترد تنام لين الظهر..
و الابو اخس منها في الاجازات.. و هي ربت ببنتها الثانية و ردت البيت ..
بعد اسبوعين -ثلاث البنت كانت تصيح على طول و طبعا تفرها على الخادمة
و تسكت !!!!!!!!!! طبعا هي الصبح بعد ما الام تطلعهم تودي البنات في حجرتها..
المهم يقول يوم من الايام حبيت اكتشف ليش الكتكوتة تسكت عندها؟؟؟
يحلف و يقول يوم دخلت شفتها مرقدتنها على بطنها فوق صدرها و مطلعة
لسانها و البنت تمص لسان الخدامة و نايمة!!!!!!!!!!!!!!!!!
و لا يفوتكم على طول الام كانت تمدح خدامتها انها تعرف تتصرف مع البنات..
و البنت الثانية اللي هي بنت ربيعيتي المهملة ايضأأأ
و هي في الدوام الخدامة كانت تركب مع باكستاني و تشل البنات وياها
و محد يدري لين ما شردت معاه و عقب البنت الكبيرة قالت
هي كانت مهددتنا تذبحنا لو خبرناكم..و هو كان يحط الصغيرة على ريوله
و يلعب .......................................طبعا ودوها العيادة و كانت بخير..
ما اقدر اكتب من هالقصص الرعبة اكثر لانني احس بصداع و ضغط
في راسي ...
اتمنى اي أم تفكر بعيالها و ما تتركهم في ايدي الغرباء
كوني انتي الام و المربية عشان تحسين انج ربيتي عيالج و اهتميتي فيهم
ترى ان لا سمح الله صار شئ الندامة ما تنفع ..
[size=32]و احس الامهات اللي يعتمدن على الخدم في كل صغيرة و كبيرة
بس باجي يقولون للخادمة تفضلي غناتي و نامي مع ريلي و احملي
و فكيني من الوحام و الآم الولادة !!!!!!!!!!!!!!!!!!!!!!!!!!!!!
تحياتي[/size]
الرئيسية 
اليومية
