دخولك للمنتدى اول مره ,, شو تغير حاليا

Admin المساهمات : 16 تاريخ التسجيل : 20/10/2022

[size=32]اتصفحت مواضيعي القديمة وشفت ردودي القديمة ومناقشاتي وطريقة طرحي للكتابة والفرق بين السنوات القديمة وعمري بالمنتدى

يمكن بالبداية كنت مندفعة ويمكن مع الخبرة بالحياه والتجارب والقصص اللي نسمعها او الأفلام اللي نشوفها ,,

تكون عدنا خلفية وتختلف من وقت للآخر ,,, حتى العضوات والصديقات ووووايد أشياء بالمنتدى تعلمنا مب بس من الخطأ

من طريقة الكتابة بالمنتدى بطريقة منظمة ومرتبة ,,, صح ان في كل يوم في عضوات جدد ومازلنا نحصل من هالانتقادات

الجميله ولكن ماناخذ بخاطرنا لان مصير العضوة الجديدة تكون نفسي ببدايتي بالمنتدى حكمت على عضوات حكم غلط من خلال مناقشاتنا معاهم

ولكن مع مرور السنوات تغير مفهومي ’’’ وطريقة تفكيري لكن اسلوبي بالرد مازال مثل ماهو ماتغير لان شخصيتي ما اقدر اغيرها

يمكن نفسيا اتبدل بس بها الوقت افضل عدم الرد او المناقشة بس التصفح ,,,,

وانا الحين ابغي اخذ رايكم كل وحده شو انطباعاتها على نفسها اول ما دخلت المنتدى تشوف مواضيعها وردودها ومناقشاتها بعد فترة طويله[/size]

وبالنسبة لعضوات هل غيرتي نظرتج بالنسبة لاي عضوة ,,,انتضركن بفارغ الصبر لأقرأ ماتكتبون ,,,,,